Облыс әкімі Бердібек Мәшбекұлы Сапарбаев Шу ауданына іс сапармен келіп, Бірлікүстем ауылында заманауи салынған жаңа мектептің тыныс тіршілігімен таны

Облыс әкімі Бердібек Мәшбекұлы Сапарбаев Шу ауданына іс сапармен келіп, Бірлікүстем ауылында заманауи салынған жаңа мектептің тыныс тіршілігімен танысты. Оқушылардың сүйікті орны, "Білім бұрышы" "Шахмат алаңы" "Ұлдар шеберханасы" "Кітапхана" "Спорт зал", асхананы аралап , жаңа мектепте тек сапалы білім саналы тәрбие алуды тапсыра отырып ізгі тілегін білдірді. Ешкандай қаражат шығармай оқушылар мен мұғалімдердің қолымен жасалған географиялық алаңдағы табиғи құбылыстарды бақылайтын өлшеу құралдарымен оқушылар таныстырып, танымдық қызықты ойларымен бөлісті. География сабағы ашық алаңда өтетінін қуанышпен айтып өтті. 1-ші сынып оқушысы Момбай Айжұлдыз өзінің өлең шумағын оқып, жаңа мектеп табалдырығын алғаш аттағанын мақтанышпен, қуаныш сезіммен білдірді. Облыс әкімі Бердібек Мәшбекұлы Сапарбаев, аудан әкімі Нұржан Сәбитұлы Календеров ағаш отырғызу акциясына қатысып, мектеп алдына шырша ағаштарын отырғызды.